धुर्मुस सुन्तली फाउन्डेसनले अन्तर्राष्ट्रिय क्रिकेट रंगशाला निर्माण गर्ने

नेपाली क्रीकेट प्रेमिहरुलाई खुशीको खबर!!

शुक्रबार, १६ चैत २०७४    RSS    143 पटक पढिएको



धुर्मुस सुन्तली फाउन्डेसनले अन्तर्राष्ट्रिय क्रिकेट रंगशाला निर्माण गर्ने

 

हाँस्य कलाकार एवं सामाजिक अभियन्ता सिताराम कट्टेल 'धुर्मुस' र कुन्जना घिमिरे 'सुन्तलि' ले अन्तर्राष्ट्रिय क्रिकेट रंगशाला निर्माण गर्ने घाेषणा गरेका छन्।  ४ वटा नमूना बस्ती निर्माण गरेर हस्तान्तरण गरिसकेको धुर्मुस सुन्तली फाउन्डेशनले फेसबुकमा स्टाटस लेख्दै रंगशाला निर्माण गर्ने जानकारी दिएको छ।

फाउन्डेशनलाई ‘नमूना नेपाल’ निर्माणको समयमा नै अन्तर्राष्ट्रिय क्रिकेट रंगशालाको आवश्यकता भएको बताउँदै जनस्तरबाटनै त्यस कार्य अगाढी बनाउन सुझाव दिईएको थियो। हाल निर्माण गर्ने भनिएकाे रंगशालाका लागि फाउन्डेशनले सहयाेगकाे पनि अाह्वान गरेकाे छ।

धुर्मुसले उक्त स्ट्याटसमा लेखेका छन्, ‘नेपालको क्रिकेटले अन्तर्राष्ट्रिय जगतमा देशको शिर ठाडो बनाएर हरेक नेपालीलाई खुसी दिलाउने मात्र नभई देशकै गरिमा उच्च राख्ने काम गरेको छ। यो अभियान धुर्मुस सुन्तली फाउण्डेशनको मात्रै नभई राष्ट्रकै अभियान हो।’

उनले राष्ट्रिय तथा अन्तर्राष्ट्रिय प्रतियोगितामा विश्वभरीबाट खेलका पारखीहरू तथा खेलाडीहरू नेपाल भित्रिँदा देशलाई बिश्व सामु चिनाउने अबसर मात्र नभै महत्वपूर्ण आर्थिक लाभ पनि हुन्छ। यसले देशको समग्र पर्यटनमा नि टेवा पुग्ने बिस्वास गरिएको छ ।

 


प्रतिकृया दिनुहोस